Uttarakhand-a chhiatna thlengah mi 150 chhanchhuak tawh

Uttarakhand-a Uttarkashi district-ah Thawhlehni khan ruah nasa taka surin saberekakhuangkaih a thleng a, hotel leh chennain bakah mihring eng emaw zat a hnawl. Chhanchhuah hna thawh nghal niin mi 150 bawr chu hmun himah sawn chhuah a ni tawh.

Official-in an tarlan danin chhiatna thleng vang hian mi 60 emaw a aia tam an bo niin an sawi a, thi pali an awm tih an tichiang tawh bawk. Chin hriat loha bote hi an la pun rin a ni. Chhanchhuah hna thawk tur hian National Disaster Response Force team thum an thawk chhuak. Army, Indo Tibetan Border Police, State Disaster Response Force aṭangin team an thawk chhuak bawk.

Prime minister Narendra Modi chuan state chief minister Pushkar Singh Dhami biain, chhiatna an tawhah sorkar laipui chuan a theih ang apiangah a puih tur thu a hrilh.