AP-ah Kristian pawl kawng zawhte police-in dang

Chhattisgarh-a Catholic 'nun' pahnih, dik lo taka human trafficking leh sakhaw inleh luihtir tuma puha man an nih vangin Andhra Pradesh-a Kristian pawl hrang hrangte'n Thawhṭanni khan lungawi lohna lantirin candle rally an buatsaih. Kawngzawhte hi police in lo dangin, aurinna an hmante an mansak.

Vijayawada-alungawi lohna lantirnaah hian Federation of Churches-a member hrang hrang telin, 'nun' leh pastor-te pawh thuziakte kengin an tel. Kawng zawh lai chu Suryaraopet police-te chuan nangchinin Dr. B.R. Ambedkar Smrithi Vanam thleng lo turin an dang. Police hian kawngzawhtute chu phalna an nei lo niin a sawi.

Kawngzawhnaa tel association hruaitute erawhin kawng zawh a nih hmain police hnenah phalna lain huaihawt a ni tih an sawi a, mahse heti chung hian kawng zawh lai chu lo dan an ni ta tho a ni. South Zone Assistant Commissioner of Police (ACP) D. Paavan Kumar chuan kawngzawha aurinna hman phalsak an ni lo a ti a, hei vang hian man sak an nih thu a sawi.

Hetih laiin Vijayawada Catholic Diocese Mansignore and Federation of Churches executive secretary Rev. Muvvala Prasad, Bethel Ministries chairman Rev. S. Jaya Kumar, Gunadala Church Rector Fr. Eleti William Jaya Raju leh kalkhawmte chuan dik lo taka 'nun' mante thubuai chu rang taka titawp turin an ngen.