Jharkhand-ah ṭekin mi 12 deng hlum

Jharkhand state-ah Pathianni khan ruah leh ṭek nasa tak a thawk a, ṭek tlain mi 12 a deng hlum a, mi pasarihin hliam na tak an tuar. Ṭek den hlum zinga tam zawk hi leileta hna an thawh laia a den fuhte an ni.

Ruahsur nasa vanga chhiatna thlen nasatna chu Giridih leh Dumka district niin, mi pathum ve ve an thi. India Meteorological Department (IMD) chuan July 16 thleng ruah leh ṭek hi a la thawk dawn tih sawiin, mipuite fimkhur turin a chah. Jharkhand-ah hian June 1 aṭang khan ruahtui 510 mm a tla tawh a, kum danga ruahtui tla aiin 61% velin a tam tawh zawk.

State chhung hmun hrang hrangah mipui nunphung pawh a ti buai hle a, a bikin loneitu lamten harsatna an tawk nasa zual. Thlai an chinna hmunte chu tuiin a chim nasa a, thlai ṭiak tam tak a chhia a ni.