Uttarakhand-ah 'Operation Kalnemi' hnuaiah mi 118 man

Uttarakhand police-te chuan state chhunga dan lo a puithiam hna thawk, mi dang tidam thei anga inchhalte dap chhuah beihpui 'Operation Kalnemi' hlawhtling takin an nei. Operation kaltlang hian state chhunga tih dam rawngbawlna dik lo taka kalpui ṭhin mi 118 chu darkar 24 chhungin an man.

Police lam tarlan danin state pum huap beihpui thlakah hian 'Peer-Fakirs' an tih chu an bitum deuh bik niin an sawi. Heng mite hian vantlang mi te dik lo takin an bum ṭhin niin an sawi a, operation kalpuina hnuaiah hian mi rinhlelhawm zual 66 te chu Udham Singh Nagar-ah Inrinni liamta khan hren an ni.

Operation Kalnemi aṭang hian police-te chuan hetiang inbumna ang chia in hnamhnawih eng emaw zat finfiah theih a nih thu an sawi. Heng an mi mante hian dik lo takin vantlang mipuite chu rilru suk sakin, an taksa leh sum neih te dik lo takin an hman ṭangkai sak ṭhin niin an tarlang.

Operation kalpuina hnuaiah hian Dehradun Police-te chuan Inrinni liam ta khan mi 23, 'holy men' emaw 'babas' emaw anga inchhal chu khawpui hmun hrang hrang aṭangin man an ni leh bawk a ni.