EAM Jaishankar-in Singapore, China tlawhin zinchhuak

External affairs minister S. Jaishankar chu ni thum chhung cham turin Singapore leh China ram tlawh turin nimin Pathianni khan a zin chhuak. EAM hian China hi kum 2020 a ram pahnih sipai inbeih hnu leh inremna neih a nih chhoh hnua a tlawh vawi khatna tur a ni.

EAM hian Shanghai Cooperation Organisation (SCO) conclave Tianjin, China-a neih tur a hmang dawn niin Ministry of External Affairs (MEA) chuan an tarlang a, a zin chhung hian SCO Council of Foreign Ministers' Meeting (CFM) neih kar lakah ram dang hruaitute a kawm nghal bawk ang. Tun dinhmunah China hi SCO chairman hna a chelh mek.

Jaishankar-in China a tlawh hma, kar thum liamta khan defence minister Rajnath Singh chuan Chinese tuipui kam khawpui Qingdao-ah SCO defence minister conference hmangin China hi a lo han tlawh tawh bawk. Hei bakah hian National Security Advisor (NSA) Doval pawh ramri chungchanga inbiakna Special Representatives (SR) dialogue neiin Beijing-ah hian a lo han kal tawh bawk. EAM hi July 15 thleng ram pahnih tlawh hian a zin chhuak dawn a ni.