ICG-in tuipui a tangkhang US mi 2 chhan chhuak

Indian Coast Guard (ICG) chuan nimin Zirtawpni khan Andaman and Nicobar Islands bul tuipuia tangkhang, US mi pahnihte chu an chuanna lawngleng, 'Sea Angel' nen an chhan chhuak.

Heng US mite tuipuia an awm laiin South East of Indira Point-ah an tal buai a, an lawngleng a chet sawn theih loh vangin MRCC Port Blair-ah chhanchhuah an ngai tih hrilh hriat a ni. An dinhmun hriat a nih veleh Maritime Rescue Coordination Centre (MRCC) Port Blair chuan International Safety Net (ISN) ti nungin, an bul hnaia sumdawng lawng awmte chu an chin hrilhin chhanchhuah hna thawh a ni zui ta a ni. Chhan chhuah hna thawhnaa pui tur hian ICG Ship Rajveer pawh tirh a ni bawk.

ICG chuan thli na tak tleh vang leh khawl lamah thil fel lo a awm palh vangin talbuai an nih thu a sawi. Chhanchhuah hna thawkte chuan lawnglenga chuang an chhan chhuah takte chu chu dinhmun hlauhthawnawm awma an awm loh thu an sawi a, Campbell Bay thlang hruai thlen an ni.