CBI-in Pharmacy Council a chhui mek

Central Bureau of Investigation (CBI) chuan ram chhunga pharma college te pawmna, recognition pe theitu Pharmacy Council of India (PCI) ah thamna leh eirukna nasa tak a awm nia sawi chu a chhui chiang mek.

CBI hian kar liam ta khan PCI president Montu Patel chenna, Gandhinagar ami chu an dap a ni. Patel hian a thurualpuite nen thamna lain pharma college-te chu pawmpuina an pe ṭhin nia sawi a ni a, thamna sum an dawn hi Rs vbc 5,400 vel a tling nia sawi a ni. Complaint a awm hnuah Patel hi a bibo zui a ni.

Patel hian diploma college te pawmpuina tur hian kum khat atan Rs nuai 8 leh B Pharma institution atan Rs nuai 15 a la ṭhin nia puh a ni a, a thurualpuite nena Gujarat leh Uttar Pradesh-ah an sum dawn hmang hian ram eng emaw zat an lei nia sawi a ni bawk.

PCI hnuaiah ram chhungah pharmacy college 13,000 chuang a awm mek. CBI chuan heng zinga 870 ten ni 13 chhung leka phalna leh pawmpuina an hmuh dan chu an chhui a, he thilah mawhphurtu berah Patel hi ngaih a ni.