Drone 87 leina tur project ti fel thuai dawn

Sorkar laipui chuan ramri endik leh venhimna lam thuam chakna turin, armed force hman atana Medium Altitude Long Endurance (MALE) drone 87 leina tur project chu tih fel thuai a tum.

He project hi Rs vbc 20,000 chuang tur niin, mahni ram siam ngei hmanga intodelhna turin Indigenously Designed, Developed, and Manufactured (IDDM) category hnuaiah lei tum a ni. Rawtna hi Ministry of Defence-a high level meeting-ah pharh a ni ang. Ram chhunga siam ngei lei tum a nih avangin India rama defence firm lian - Adani Defence, Hindustan Aeronautics Limited (HAL), IdeaForge, leh NewSpace Research te chu he programme ah hian an tel rin a ni.

Drone hi advanced surveillance leh combat feature-a thuam an ni dawn a, ram chhengchhe laiah pawh hman theih turin duan a ni dawn. Tunah rih chuan India armed force-te hian ram dang, a bikin Israel leh US aṭanga supply drone an la hmang nasa ber a ni.