Rajasthan-ah IAF Jaguar fighter jet a tla

Indian Air Force (IAF) Jaguar fighter jet chu nimin khan Rajasthan-a Churu district-ah chesualin a tla.

Aircraft hi Suratgarh base aṭanga thlawk chhuak a ni a, chawhnu dar 1.25 velah Bhanoda khuaa leiletah a tla a ni. Chhanchhuah hna thawk turin police team tirh nghal an ni. A tlakna bulah hian ruang pahnih hmuh a ni a, pakhat chu pilot nia rin a ni a, a pakhat zawk hi tunge a ni tih hriat a la ni lo.

April thla khan Jaguar fighter jet chu Gujarat-a Jamnagar Air Force Station bulah routine training mission a neih laiin a lo tla tawh bawk a, pilot pahnih zinga pakhat thiin, pakhat erawh an tlak hmain a khawh chhuak hman a ni.