India-in BRICS dinhmun a siam thar dawn: PM Modi

Rio de Janeiro, Brazil-a BRICS summit hman mekah prime minister Narendra Modi chuan BRICS dinhmun a siam thar dawn tih Thawhṭanni khan a sawi.

Brazil hian BRICS presidency dinhmun a chelh mek a, India hian nakkumah hruaitu dinhmun hi a chelh ve tawh dawn a ni. Member ramte hian president dinhmun hi a inchelh chhawk ṭhin.

PM Modi chuan,"India kaihruaina hnuaia BRICS dinhmun siam thar turin kan bei dawn a ni. G-20 hruaitu hna kan chelh laia Global South lam kan dah pawimawh ang kan, BRIC hruai hna kan chelh hunah pawh mipui thleng phak leh mihring nun nghawng thei lamte chu dah pawimawh a ni ang," a ti.

Modi chuan Covid hripui len hnuah khawvel economy dinhmun insiamṭhat chhoh dante pawh sawi langin, ram hrang hrangte thawhho pawimawhziate a sawi. Hri um bo tura thawh hona ang khan kawng danga harsatna awm um bo tur pawha thawh ho a ṭul thute a sawi lang bawk.

Summit kar lakah PM hian ram dang hruaitut a kawm nghal bawk a, Cuba president Miguel Diaz-Canel Bermudez, Malaysia PM Anwar Ibrahim, Uruguay President Yamandu Orsi leh Bolivia president Luis Alberto Arce Catacora te meeting a neihpui a ni.