AAIB in AI chetsual dan chhuina preliminary report theh lut

Aircraft Accident Investigation Bureau (AAIB) chuan Air India thlawhtheihna, June 12-a chesual an chhuina preliminary report chu nimin,Thawhlehni khan Ministry of Civil Aviation ah an theh lut tih an sawi. Report an theh luha hmuhchhuah an neihte erawh engmah puanzar a ni lo thung.

Ministry of Civil Aviation in an tarlan danin, thlawhtheihna chesuala Crash Protection Module(CPM), thlawhtheihna hma lama black box chu June 16 khan lak chhuah a nih hnuah, zirchian a nih theihna turin a memory module-te chu June 25 khan hlawhtling takin AAIB lab aṭanga lak a nih thu an sawi. Chhiatna thlen tuk, June 13 khan black box pakhat zawk chu hmuhchhuah nghal a ni bawk.

Air India thlawhtheihna chesuala black box data zirchianna hi AAIB bultuma neih niin Indian Air Force leh Hindustan Aeronautics Limited (HAL) aṭangin technical member ten an pui bawk. Ram chhunga chhuichianna, agency official investigation nei turin National Transportation Safety Board (NTSB), US aṭangin an rawn tel bawk a ni. Chhui chianna hi AAIB director general kaihruaina hnuaiah neih a ni a, amah pui tur hian aviation medicine expert leh Air Traffic Control officer chu team-ah hian telh an ni.