PM Modi-a'n Trinidad & Tobago PM thilpek hlan

Ram panga tlawha zin chhuak mek, prime minisiter Narendra Modi chuan Ningani khan a ram tlawh pahnihna turin Trinidad & Tobago a thleng. Trinidad & Tobago prime minister Kamla Persad-Bissessar hnenah Mahakumbh holy water leh Ram Mandir lem siam thilpek a hlan.

Modi hian prime minister a nih anga Trinidad & Tobago a tlawhna hmasa ber a nih bakah, kum 1999 hnua India prime minister-in a tlawhna hmasa ber a ni bawk. Trinidad & Tobago president Christine Carla Kangalo leh PM Persad-Bissesar te kawmin, ram pahnihten inlaichinna nghet leh chak zawk an neih theih dan turte a sawipui.

Nimina inkhawm buatsaihah, Trinidad & Tobago prime minister Kamla Persad-Bissessar chuan Modi-a lehkhabu ziah 'Aankh Aa dhanya Che' a a poem ziah chu a chhiar chhuak a, India leh T&T inzawmna chu ram hruaituah ni lo in thlahtute aṭanga in unauna, inpekna leh in hmangaihna aṭangin a ni tawh a ni, a ti. Modi chu India economy hmasawnna tura hmathlir leh hmalakna ṭha tak nei a ni, tiin a fak. PM Modi pawhin T&T-a India mi leh sa awm chhuan ruknate chu Overseas Citizenship of India(OCI) card pek an nih tur thu a sawi ve bawk.