India leh US-in defence lama thawhdunna ziah remti

Defence minister Rajnath Sing leh US secretary of defence Pete Hegseth te chuan ram pahnihten kum 10 chhunga defence lama thawh dunna tura huang zauhna leh inzawmna nghet zawk siamna tur ruangam ziah an remti.

Singh leh Hegseth-te hi Thawhlehni khan telephone-a in biaiin, U.S.-India Defence Framework chu kumin chhunga an in hmuh leh hun hunah ziah an remti tih Pentagon thuchhuah chuan a tarlang. Heng bakah US aṭanga defence lam hmanrua lei tur la tangkhang pawh in hlan fel theih thuai tum a ni a, defence industry lama ram pahni te thawh dunna ti chak thei tura beisei a ni.

Defenc huanga ram pahnih ten an thawh dunna tur hi kumin February khan US president Donald Trump leh India prime minister Narendra Modi-te inbiaknaah sawi dun a lo ni tawh bawk.An inbiakna zarah thawh dunna tur hi tih chian a ni thei ta ni. Ram pahnih defence minister-te in biakna hlawhtlinna ti lang turin, hun rei tak aṭanga beisei tawh 'Apache combat helicopters' pawh kar hnih chhunga India hnena hlan hman tum a ni bawk.