Pahalgam firfiak pawl beihna chhuizui naah NIA-in mi pahnih man

Jammu and Kashmir-a Pahalgam hmuna April 22-a firfiak pawl pawikhawihna vanga mi 26 thihna leh midang 16-in hliam an tawrhna thleng chhuina kal zelah, National Investigation Agency (NIA) chuan nimin khan mi pahnih an man. An mi mante hian Pahalgam pawikhawihtute kha an lo pui niin an tarlang.

NIA in a mante hi Parvaiz Ahmad, Jothar Batkote-a cheng leh Bashir Ahmad, Jothar Hill Park, Pahalgam a cheng niin an pahnih hian firfiak pawl Lashkar-e-Taiba (LeT) nen in thlunzawmna an nei tih pawh finfiah a ni tawh bawk. Pawikhawihtu firfiak pawl mi leh sate kha tawm hulna hmun, ei leh in an pek bakah leh hmalakna kawngah an pui niin NIA chuan a tarlang.

Mi pahnih lakah hian Unlawful Activities (Prevention) Act-a Section 19 tlawhchhanin thubuai siamsak nghal an ni.