Himachal CM-in project tih khawtlai lakah action la turin ti

Himachal Pradesh chief minister Sukhvinder Singh Sukhu chuan state Power Department hnenah, hun rei tak tih khawtlai tawh hydropower project siamtute lakah action la a, an project cancel-na hriattirna pe turin a ti.

Inrinni liam taa Power Department high level meeting kaihhruaiin, CM chuan project tih khawtlai rengte hian state sorkar sum tak tak a hloh tir a ni, a ti. 'Hydro pwer hi state economy atana thil pawimawh tak a ni a, hemi aṭanga hlawkna awmte pawh state mipuiten an tel ngei theih sorkar chuan a duh a ni," tiin project tih khawtlaite chu tih tawp mai a ṭhat zawk thu a sawi.

Chief Minister chuan Kishau leh Renuka Dam siamna tur project-te pawh an ṭhenawm state-ten Bhakra Beas Management Board (BBMB) arrear tih khawtlaite pekna tur an tih fel phawt loh chuan kalpui chhunzawm a ni dawn rih lo tih a sawi bawk.

CM Sukhu chuan Himachal Pradesh State Electricity Board Limited (HPSEBL) hnenah aza solar power project chu kumin August thla zo fel turin a ti a, Chamba district-a hmun kilkhawr tak, Pangi valley-a Dhanwas khuaa MW solar power project, battery backup nen kalpui thuai turin a ti bawk. He project hi kumin December thlaa zawh tura tih niin , vur tlak nasat hunah pawh he hmuna awmten power supply lama harsatna an neih lohna tura ruahman a ni. CM chuan ‘Green Panchayat scheme’ hmasawn dante pawh ennawnin, project hrang hrangte chu chak zawka kalpui turin a kaihhnawih department-te a hriattir bawk a ni.