Maoists kut tuara thi police chhungte hna pekna dan siamtha dawn

Chhattisgarh cabinet meeting, Nilainia neih chuan Maoist helpawl pawikhawihna leh beihna avanga police thi chhungte hnenah compassionate ground-a sorkar hna pekna dan siamṭhat rawtna chu a pawm.

Chief minister Vishnu Deo Sai kaihhruaia cabinet meeting chuan, Unified Revised Guidelines–2013-a Clause 13(3) chu siamṭha in, Naxal hel pawikhawihna tuara thi, police chhungte chuan state chhunga khawi district-ah pawh, eng department-a pawh compassionate appointment hi an dil thei tawh dawn a ni.

A hma chuan he dan hnuaiah hian police thi chhungte hian police lo awmna department bikah chauh compassionate appointment hi an dil thei ṭhin a ni.

Meeting-ah hian police thi chhungte hna pek dan chungcahng bakah Tiger Foundation society din an rel bawk a, hei hi Chhattisgarh huam chhunga sakei awm zat tlem zel avanga a humhalhna kawnga hma la tur atana tih a ni. Chhattisgarh Tiger Foundation Society hi Wildlife Protection Act, 1972 hnuaia din niin, ṭhenawm state Madhya Pradesh pawhin 1996 aṭanga khan hetiang pawl hi an lo nei tawh bawk.