Tehran-a India mi awmte embassy be pawp turin hriattir

Israel leh Iran inkar buainain zual lam a pan zel avang leh, US president Donald Trump-a'n Iran mite chu an ram khawpui, Tehran chhuahsan tura a hriattir hnuah, he khawpuia India mi awmte chu embassy be pawp thuai tura hriattir ve nghal an ni.

Indian Embassy chuan nimin Thawhlehni khan India mite chu embassy pe bawp a, an awmna hmun leh an contact number-te thehlut turin a ti.

Heng bakah hian Indian mission chuan India mi awmte, mahni lirthei neih ang remchang hmanga in sawn chhuak thei te chu rang taka Tehran chhuahsan a hmun him lam pan turin a hriattir bawk.

Israel leh Iran inkar buaina zual zel vang hian Ministry of External Affairs chuan engtik lai pawha hna thawk tur, Control Room-te a ruahman fel tawh bawk.