Bengaluru-Chennai Expressway-ah lirthei tlan khap

Karnataka-a Kolar district police-te chuan Bengaluru - Chennai National Expressway 7 (NE-7) inkalpawhna tur pumpelh kawng an siam tharah two-wheeler, three-wheeler leh tractor tlan an khap. Tun hnai thla thum chhunga lirthei chetsualna vawi 10 thlengah mi 15 in nunna an chan vangin kaihhruaina hi an ti chhuak a ni.

Kolar district police lamin khapna an siam hma hian National Highway Authority of India (NHAI) chuan March 2025 khan he expressway-ah hian two wheeler tlan a lo khap tawh bawk. Heti chung hian dan bawhchhiat fo a nih avangin police lam hian khauh leh zual zawkin dan hi an kengkawh chhunzawm niin an tarlang.

Bengaluru–Chennai Expressway project hi Karnataka leh Tamil Nadu in pawhna ti awlsam tura duan niin Greenfield project hnuaiah Rs vbc 17,000 senga siam a ni.