Chhattisgarh-a Maoist bomb tih puahah Additional SP a thi

Chhattisgarh-a Sukma district-ah Maoist helpawlin improvised explosive device (IED) an kam chu nimin zing khan a puak a, additional superintendent of police Akash Rao Giripunje a thi. Police dang ṭhenkhat an hliam bawk.

Sukma district-a Konta Division ASP, Giripunje leh a kaihhruai team hain June 10-ah CPI (Maoist) ten Bharat Bandh huaihawt an tum avangin Konta-Errabora kawng enfiah hna an thawk a, an edik laiin helpawl IEWD kam hi a lo puak a ni. ASP hian hliam na tak a tuar a, Konta damdawi-ina hruai nghal ni mah se a hliam tuar loin a thi a ni. Hliam tuar dangte chu an ngaihtuahawm lo niin police-te chuan an sawi.

Akash Rao Giripunje hi state police service 2016 batch niin, viak ṭha leh hnaa inpe tak a ni a, an state-a Moaist hel hluarna biala police team hi a kaihruai a ni. Maoist helpawl hian Bijapur biala police-te beihpui thlaknaah a pawl hruaitu eng emaw zat thah an nih avanga lungawi lohna lantir nan, June 10 hian bandh hi huaihawt an tum a ni.