UP-ah bawngsa hrang hmuh vangin buaina chhuak

Bawng talh khapna, Uttar Pradesh state-a Mathura khuaa Barsana Road bulah Inrinni liam ta zan khan bawngsa hrang nia hriat a nih hmuh avangin ight-wing outfit hoin lungawi lohna a lantir. Mant area-ah bawng hal ruang hmuh a nih vangin HIndu activist-ten nawrh an huaihawt bawk.

Barsana Road bula bawngsa them hmuh chungchangah hian Uttar Pradesh Prevention of Cow Slaughter Act-a section hrang hrang hnuaiah FIR ziah luh a nia, hming 24 ziah lan a ni bawk. Hemi kaihhnawihah hian mi 11 man an ni a, an kut aṭan hian chem, hrei, sa ki leh ransa vun te hmuh a nih thu polcie-te chuanan sawi. Senior Superintendent of Police (SSP) Shlok Kumar chuan sa hrang hmuh hi tualchhung mite chuan bawngsa niin an sawi a, enfiah turin forensic laboratory-ah thawn a ni tih a sawi.

Mant area-a bawng ruang hmuh a nih vang hian BJP hruaitu Ashok Saraswat chuan Radharani Gauseva Trust hming complaint a theh lut bawk. Bawng ruang hi ni hnih vel a awm hnuah Inrinni khan mi ṭhenkhatin an hal niin tualchhung mite chuan an sawi a ni.

Uttar Pradesh-ah hian bawng talh, a zawrh leh phurh puh pawh khap a ni. Kum 2020 khan chief minister Yogi Adityanath chuan he khapna hi khauh zawka siamin, bawng talhtute chu kum 10 thleng lung-in tan tir leh Rs nuai 5 thleng chawitir theih an ni.