Indian zingah bawngsa leh lawisa ei an pung

National Sample Survey Office (NSSO) data-a a landanin, India mite zingah bawngsa leh lawisa ei an pung nasa hle.

NSSO in Household Consumption Expenditure hian kum sawm chuang chhungin survey ṭum thum a buatsaih a, a hnuhnung ber chu kum 2011-12 khan neih a ni. Data an lakkhawm aṭanga a lan danin, kum 1999-2000 chhung khan ram chhungah bawngsa leh lawisa ei mi vaibelchhe 7.51 an awm a, kum 2011-201 ah chuan heng sa ei zat hi vaibelchhe 8.35 an tling tawh. Mahse sa ei ral zat hi survey hmasaa thla khata kg vaibelchhe 4.44 chu a hnuhnung zawkah chuan kg vaibelchhe 3.67 ah a tlahniam thung.

Hindu zingah bawngsa/lawisa ei hi an tlahniam a, kum 1999-2000-ah Hindu zinga vaibelchhe 1.89 in an ei laiin, kum 2011-12 ah chuan vaibelchhe 1.25 ah an tlahniam. Mahse hmei chhung vek hian Muslim zinga bawngsa/lawisa ei chu vaibelchhe 4.8 aṭangin vaibelchhe 6.34 ah an pung thung a ni.