Modi-a'n sipaite zahna hlan

Prime Minister Narendra Modi chuan nimina radio-a Mann Ki Baat programme a hmannaah Diwali pualin ram mipuite duhsakna a hlan a, hemi rual hian sipaite zahna a hlan bawk.

PM Modi chuan Diwali puala sipaite duhsakna thu thawn tura a ngenna tihhlawhtling tute chu lawmthu a hrilh. Diwali festival chu faina nena inzawm tlat a ni tih sawiin, mi tinte chuan festival pualin an in te an tifai tih a sawi a, in chhehvel te tifai tel turin a ngen bawk.

Diwali chu sipaite tan a hlan tih sawiin, PM chuan sipaite chuan huaisen takin ni 365 chhung ram mipuite himna tur te, hlim taka festival an hman theihna tur tein ramri an venghim a ni, a ti. Ram tana nunna hlantu, sipaite puala Diwali hmang turin a chah a, hmun hrang hranga sipai duty te puala bati chhi turin mipuite a ngen.

PM chuan India mipuite chuan sipaite chu an chhuang takzet tih a sawi a, an puala bati chhit sakin, duhsakna an hlan tih a sawi.