Rakesh Sharma-a'n Gaganyaan mission-a tel a chak

India mi van thengrena zin hmasa ber, wing Commander Rakesh Sharma (retired) chuan India siam hmang ngeia van thengrenga kal leh a chak thu a sawi. India hian Gaganyaan mission, van thengrenga zinna tur programme chu 2025-2026 chhung hian tih hlawhtlin theih a tum a ni.

India-in van thengrenga mihring a kah chhuahna hmasa ber tur, Gaganyaan mission hi ISRO human spaceflight project hnuaia hmalakna a ni. Andra Pradesh-a Sriharikota aṭangin GSLV Mk III, Human Rated Launch Vehicle Mark-3 tia sawi hmangin mi pathum chu low-Earth orbit-ah ni thum chhung kah chhuah a tum a ni.

Wing commander Sharma chuan he mission-ah hian tel ve a chak thu sawiin, 'Duh aiin ka lo piang hma hlek a ni," a ti. June 10-a Indian astronaut Shubanshu Shukla telna tur, Axiom-4 mission hmanga International Space Station (ISS) kal tur chu India tan pawh aite chhinna tur a nih thu a sawi. Shukla hi mission pilot a ni dawn a, he mission hi 1984-a Rakesh Sharma-a'n Russia Soyuz mission hnuaia van thengrenga a zin hnua India sorkarin van thengrenga zin tur mi a tirh lehna hmasa ber tur a ni bawk.