Supreme Court-in NBE ngenna pawmsak

Supreme Court-a judge pahnih ṭhutna vacation bench chuan, nimin Zirtawpni khan National Board of Examination (NBE) in NEET-PG 2025 exam, August 3-a buatsaih a ngenna chu a remtih sak. Exam hun sawn chungchangah hian SC hian NBE lam hi exam thawh khata huaihawt turin a lo hriattir tawh a ni.

NBE hian Surpeme Court-in exam huaihawt dan tur chungchanga hriattirna a pek hnuah, June 15-a NEET PG exam neih tura tih chu a sawn hla a, a hun tur a tihfel nghal mai loh hnuah, August 3-ah exam buatsaih hi a dil a ni. Hei hi an technology partner, Tata Consultancy Services Ltd. (TCS) in a hun an buatsaih theih hma ber a nih thu an sawi.

Court chuan NBE lamin an ngenna te chu a ṭha tawk nia sawiin," Exam hun siam ṭha tura kan ngenna ti hlawhtlinga August 3, 2025-a exam huaihawt dil na chu pawm sak a ni" tiin dilna thlen pawm a nih thu hi vacation bench Justice Prashant Kumar Mishra leh Justice Augustine Gearge Masih chuan an sawi.