India leh Australia-in defence lama thawh dunna ti chak

India rama ni hnih cham tura rawn zin, Australia Deputy Prime Minister leh Defence Minister ni bawk Richard Marles chuan New Delhi-ah defence minister Rajnath Singh kawmin, defence huanga thawh dunna leh regional security bakah firfiak dona kawnga thawh dunna chungchang an sawidun. Marles hian Pahalgam firfiak pawl beihna thlengah, India lam a ṭan tlat thu a sawi.

Ministry of Defence (MoD) thuchhuah chuan," Defence minister chuan ramri pela firfiak pawl chetna an chhanletna chu uluk taka ruahman, boruak ti sosang lo tur leh bitum bik neia kal pui a nih thu a lo hrilh a ni. Ram pahnihte chuan firfiak pawl dona kawnga thawh dun zel an rem ti," tiin minister-te inkawm chungchang a tarlang.

Rajnath Singh leh Richard Marles te chuan ram pahnih thawh dunna tur Australia-India Joint Research Project leh defence industry huanga thawh dunna tur huam zau leh tih hmasawnna tur inremna an ziak bawk.

Minister pahnihte hian November 2023 a lo neih tawh. 2+2 Ministerial Dialogue neih thlir letna an nei nghal a, kumina a ṭum thumna atana inbiakna neih leh tura ngaihtuah ho tur, 'advance defence science and technology cooperation' chungchang an sawi dun nghal.