PM Modi leh ADB president in kawm

Prime minister Narendra Modi leh Asian Development Bank (ADB) president Masato Kanda chu May 31, Inrinni liam ta khan New Delhi ah in kawmin thawh dunna ṭha neih theih zel dan tur an sawi dun. India hi Asian Development Bank, kum 1966 a din chhuaktu zingah a tel ve a, he bank aṭanga sum puktu lian zingah a tel mek bawk.

ADB president Kanda chuan a kaihhruai organisation chuan India hmathlir, kum 2047 hma a 'Viksit Bharat' siam a tumna tih hlawhtlinna tur chu an thlawp thu a sawi a, India chu ADB nena rinawm taka thawk dun ṭhin a nih thu uar takin a sawi lang.

PM Modi leh Kanda in kawmnaah hian hmasawnna thlen dan tur chungchang hrang hrang sawi a ni a, India-in mahni kutkea ding thei ram ni tura a hmathlir neih chu an thlawp thu te, ram mipui tld 1.4 chuangten an chhawr ṭangkai theih tur rintlak, ngelnghet, leh daih rei tur hmasawnna kawnga ṭhanna chu ti hlawhtling tura puih reng an tum thu Kanda chuan a sawi a ni.