SC in NEET-PG exam thawh khata nei turin hriattir

Supreme Court chuan nimin khan National Eligibility-cum-Entrance Test- Post Graduate (NEET-PG) 2025 exam huaihawt tur, June 15 a neih tur chu thawh hniha nei loin thawh khata zo fel turin a hriattir.

Justice Vikram Nath kaihruai bench chuan hemi kaihhnawiha thuneitute chu langtlang leh felfai tak exam buatsaih a nih theihna turin ruahmanna fel tak siam tur hian a hriattir nghal bawk.

Bench-ah hian justice Sanjay Kumar leh NV Anjaria ṭhu tel bawkin, anni hian thawh hniha exam buatsaih chuan thuneihna hmansual a ti awl niin an sawi. Court chuan,"Zawhna pahnih a hran siam chu a harsat dan leh awl dan a in ang ngai lo" tiin thawh khat a exam zawh fel a ṭulna chhan an tarlang.

National Board of Examination (NBE) in thawh khata exam buatsaih zo fel vek turin exam centre a tam tawk lo nia a sawi chu a pawmsak lo a, "Exam hi khawpui pakhatah chauh ni lo, ram chhung hmun hrang hrangah buatsaih a ni," a ti bawk.