President-in Padma Awards 2025 a hlan

President Droupadi Murmu chuan Thawhlehni zan khan Rashtrapati Bhavan-a Civil Investiture Ceremony-II ah civil mi chawimawina sang Padma Awards 2025 dawngtute hnenah award a hlan.

Kum 2025 atana Padma Awards dawng tura thlan chhuah, mi 139 zingah hian an thih hnua dawng mi 13, foreigners/NRI/PIO/OCI 10 leh hmeichhia 23 an tel.

Padma Award hi chi thum - Padma Vibhushan, Padma Bhushan leh Padma Shri awmin, field hrang hrang - art, social work, public affairs, science and engineering, trade and industry, medicine, literature and education, sports, civil service, leh thil dangah hnathawk ṭha leh thawk hlawkte hnenah hlan ṭhin a ni.

Kuminah hian Padma Vibushan dawngtu hi mi pasarih an ni a, Padma Bhushan hi mi 19 hnenah hlanin Padma Shri hi mi 113 in an dawng bawk.

Padma Awards 2025 hlanna inkhawm buatsaih hi prime minister Narendra Modi, union home minister Amit Shah, external affairs minister S Jaishankar bakah mi pawimawh dangten an hmanpui a ni. Hei hi kumin atana Padma Awards semchhuah vawi hnihna a ni.