EAM leh Canada Foreign Minister-in thawh dun dan tur sawi

External affair minister Jaishankar chuan Pathianni liam ta khan Canada foreign minister Anita Anand nen phone call hmanga in biain ram pahnihten thawh dunna tur thuk leh zual siam dan chungchang an sawi. An inbiak naah hian economy chungchangte pawh an sawi dun bawk.

India leh Canada inkar hi Canada prime minister kal chhuak ta Justin Trudeau hnuaiah khan a ṭha lo viau a, mahse an prime minister thar Mark Carney hnuaiah an inkar boruak pawh a ṭha chho leh ṭan a ni. An inkar buaina avanga ram pahniha ram aiawha hna thawkte hnawhchhuah hialte an nih hnuah, hruaitu thar hnuaiah hian inkar khi siam ṭhat a, lungrual taka thawh dun chhoh dan turte an ngaihtuah leh ṭan thei ta a ni.

Canada foreign minister Anita Ananda hi Indian origin niin, a hmain defence minister pawh a lo ni tawh a ni. Hindu zinga Canada cabinet member ni thei hmasa ber a lo ni tawh bawk. Tun thla tir lam khan Foreign Minister atan lak luh a ni.