Tamil Naddu-in Supreme Court-ah sorkar laipui khing

Tamil Nadu chief minister MK Stalin chuan Inrinni liamtaa BJP kaihhruai sorkar laipui chu education fund an pek tur Rs vbc 2,000 chuang an pek loh vanga khin a vau hnuah, Supreme Court-ah sorkar laipui khinna hi thehluh a ni. Sorkar laipui hian kum tina a tum ve tur, education fund hi Samagra Shiksha Scheme hnuaia pek ṭhin a ni.

Sorkar laipuiin Tamil Nadu state tana Samagra Shiksha Scheme hnuaia sum a thawhpui tur a pek loh chhanah National Education Policy (NEP) 2020 hnuaia zirna inte ṭawng chi thum zirtir tura tih chu state-in a zawm loh vang niin a tarlang

Kum 2025-26 chhunga Tamil Nadu education fund dawn tur hi Project Approval Board chuan pawm tawhin, sorkar laipui hian he fund atan hian 60% a tum sak ṭhin a ni. Fund pek chhuah loh vang hian state chhungah zirlai 43,94,906 leh zirtirtu 2,21,817 leh zirna ina thawktu mi 32,701 ten an tuar thei dawn niin an tarlang.

Tamil Nadu sorkar chuan court-ah sorkar laipui a khinna a thehluhah, state chan tur Rs vbc 2,291 chu hun tiam chhung ngeia pe turin a phut. Hun tiam chhunga a pek tlak loh chuan a pung 6% nen pe vek turin a phut bawk.