Chhattisgarh-ah helpawl mi 26 kah hlum an ni

Chhatisgarh-a Narayanpur leh Bijapur ramriah nimin Nilaini khan security force leh helpawl inkahna thlengah Naxal hel 26 kah hlum an ni. Thi zingah hian CPI(Maoist) hruaitu Nambala Keshavrao, luman Rs nuai 1.5 nei chu a tel tih an tarlang.

Kar hmasa khan Maoist hel 24 kah hlum an lo ni tawh bawk a,an zing luman neite luman belhkhawm hi Rs nuai 28.50 a tling pha a ni.

District reservce guard-te chuan intelligence aṭanga hriattirna an dawn bawhzuiin, district pali - Narayanpur, Dantewada, Bijapur leh Kondagaon-ah hel beihpui thlak hna hi an kalpui a ni. Helpawl hotu an kah hlum hi Central Military Commission hotu ṭhin leh a hnua Maoist-a general secretary na chelh zui ta ni bawk. Ani bakah Dandakaranya Special Zonal Committee leader Madhu pawh a thi tel niin official chuan an sawi.

State deputy chief minister Arun Sao chuan helpawl laka hlawhtling taka beihpui thlak hna kalpui a nih thu rawn nemnghetin, an state-a Maoist nuaibo tura theihtawp an chhuah thu leh, March 2026 hma ngeia tih rem vek tum a nih thu a tarlang tel nghal bawk.