Olympian Neeraj Chopra hnenah honorary rank hlan a ni

India aiawha Olympic-a Gold medal la tu Neeraj Chopra hnenah Ministry of Defence-a Department of Military Affairs chuan May 13 khan Territorial Army-a honorary rank, Lieutenant Colonel hlan a ni.

Neeraj Chopra hi Indian Army-ah Subedar Major rank ni lai niin, kuminah a chawl tawh dawn a ni. Kum 27 chauha upa fei khawh thiam hi Haryana-a Khandra thingtlang khuaa piang niin, kum 2020 Tokyo Olympic-ah khan gold medal lain, 2024 Paris Olympic-ah khan silver medal a la bawk. Heng bakah hian 2023 World Athletic Championship, Budapest, Hungary-a neihah khan gold a la bawk.

Chopra hma hian cricketer MS Dhoni chu kum 2011 khan Territorial Army-a honorary rank Lieutenant Colonel nihna hlan a lo ni tawh bawk.

Territorial Army(TA) hi military reserve force a ni a, October 9, 1949-a din a ni. Part-time volunteer niin, Indian Army an pui ṭhin, Indian army nen rank in angin an kal a ni. ram tana thawk ṭha leh tihmingṭhatute chawimawina an lo hlan tawh ṭhin.