J&K-ah JeM mi leh sa 3 kahhlum an ni

India-in firfiak pawl tukdawl hna a kalpui meknaah Ningani khan Jammu and Kashmir-a Awantipora, Pulwama district huamchhungah security force leh firfiak pawl inkara inkahna a chhuak a, JeM mi leh sa pathum kah hlum an nih thu pollice official chuan an tarlang.

Police official lam sawi danin security force-te hian Nader Tral huamchhung, Kashmir chhim lama Awantipora-ah intelligence aṭanga hriattirna an dawn bawhzuia zawnchhuah leh dapchhuah beihpui an thlaknaah firfiak pawl te nen hian an inkap zui ta niin an sawi.

Beihpui thlaknaah hian thi an awm ngei a ni tih pawh Kashmir Zone Police te chuan X kaltlang a post siamin an rawn ti chiang ve nghal bawk. Operation an kalpui hi security force ṭangkawp leh vanboruak aṭanga puihna an dawn te hmanga kalpui a ni. Thuneitu lam pawhin venhimna khauh zawka kalpui a nih thu an tarlang bawk.