Special session ko turin PM ngen

India leh Pakistan in inkahhai an puan hnuah, Lok Sabha-a Leader of Opposition Rahul Gandhi chuan prime minister Narendra Modi hnenah Operation Sindoor leh inkahhai chungchang sawi ho tura Parliament special session ko turin a ngen.

Congress party president Mallikarjun Kharge pawhin ngenna thlenin, firfiakten April 28-a Pahalgam an beih chungchangah LoP chuan Parliament in hnih tan special session ko tura a lo ngen tawh thu leh, tunah Operation Sindoor leh inkahhai puan a nih thu US president Donald Trump-a'n a lo puan hmasak zawk chungchang pawh sawi ho a ngaih thu a sawi.

Hei bakah eptu lam chuan PM Modi telna all-party meeting neih leh an rawt bawk. Indian Armed Force-ten Operation Sindoor hlawhtling taka an neih hnuah khan sorkar laipui chuan all-party meeting a lo ko tawh a, mahse hemi ṭum hian PM Modi hi a tel ve lo. Eptu party-te chuan firfiakte chetna beihlet kawnga sorkar thutlukna siam chu an thlawp thu pawh an sawi a ni.