CJI thar atan Justice BR Gavai ruat a ni

President Droupadi Murmu chuan Justice Bhushan Ramkrishna Gavai chu Chief Justice of India(CJI) tur atan a ruat thar. Ruat a nih thu hi Law minister Arjun Ram Meghwal chuan Thawhlehni khan a puang. Justice Gavai hian CJI ni lai Justice Sanjiv Khanna-a'n office a chhuahsan hunah May 14 ațangin CJI charge hi a la ang.

Justice BR Gavai hi Supreme Court-a Judge ni lai niin November 24, 1960 khan Amravati-ah piangin, kum 1985 March 16 khan Bar a zawm a, kum 2005 November khan High court-ah permanent judge a ni țan a ni. Gavai hian judge a nih chhung hian thutlukna siamtu pawimawh zingah tel foin, 2019-a Article 370 nuaibo a nih pawh khan thutlukna siamtu bench ah hian a tel ve bawk.

Law ministry chuan Justice Gavai ruatna hi hriattirna ti chhuakin Chief Justice of India 52-na chiah niin, a hming hi CJI kal chhuak mai tur Justice Khanna-a'n April 16 khan sorkar laipuiah rawtna a lo thlen daih tawh bawk. Gavai hi supreme court judge zingah CJI atan dah ngheh a nih hunah a senior ber a ni bawk. Justice Gavai hian thlaruk chhung office hi luahin December 23 khian kum 65 mi niin a hna ațangin a chawl dawn a ni.