Coaching centre lem kaihhnawhah ED-in hmun eng emaw zat dap

Enforcement Directorate(ED) chuan nimin Ningani khan Delhi huam chhungah coaching center lem siam nia sawi kaihhnawihah hmun eng emaw zat an dap.

Official lam tarlan danin kumin January thla khan ramchhung hmun hran hran a FIITJEE institution awm chu hriat lawk tirna awm loin tih tawp a lo ni tawh hlawm a ni.

Heng coaching centre te hian zirlaite hnen aṭang hian kum khat chhung zir man chu an la lawk nghal vek zel a ni. FIITJEE hian competitive exam tur tan te, IIT entrance, leh engineering tui te tan coaching pe in, ramchhung hmun 73 ah centre an nei. Sawi lawk loa centre an tih tawp lai hian zirlai 12,000 vel an nei.

ED hian Delhi leh a chheh vel, Noida leh Gurugram-a FIITJEE nena in zawmna nei zirna in te an dap a ni. Heng zirna hmun ti lar tu DK Goel leh in hnamhnawih dangte chu zawn mek an ni bawk. Coching centre lem lakah hian zirlai nu leh pa ten FIR theh lutin an lakah hian Prevention of Money Laundering Act (PMLA) tlawh chhanin hmalak zui a ni.