PM-in Bihar-ah project eng emaw zat hawng

Prime minister Narendra Modi chuan nimin khan Bihar a tlawh a, hmasawnna hna thawhna tur project hrang hrang, Rs vbc 13,480 hu hawngin lungphum a phum bawk.

Prime Minister hian Madhubani district-ah National Panchayati Raj Day puala hun hman chu hmanpuiin, Panchayati Raj Institutions (PRIs) leh gram sabhas chungchangte a sawi. Panchayat tana fund a awm ṭhat tawk thu sawiin, sorkar chuan a ngai pawimawh hle a ni, a ti. Ram pumah Panchayat bhawan thar 30,000 vel sak a ni tawh tih a sawi a, 'Kum 10 kalta chhungin Panchayat-te chuan Rs vbc nuai 2 chuang an dawng a, hengte hi thingtlang khaw hrang rang tih hmasawnna atan hman a ni," tiin a sawi. Gram Panchayat-ten harsatna an tawh langsar tak ṭhin chu ram chungchanga buaina a ni ṭhin tih sawiin, PM chuan he buaina awm ṭhin chinfelna tur hian land record chu digitalise vek a ni dawn tih a sawi bawk.

Modi hian Amrit Bharat Express leh Namo Bharat Rapid Rail a vailiam a, Special Category National Panchayat Awards 2025 hlanna hun a hmang nghal bawk.