AIIMS, Raipur-ah KPT hlawhtling takin nei

All India Institute of Medical Sciences (AIIMS), Raipur chuan a ṭum khatna atan Kidney Paired Transplant(KPT) hlawhtling takin an nei.

Chhattisgarh-a sorkar enkawl damdawi-in zingah hetiang taksa peng in thlengna khirhkhan tak tih hlawhtlinna hmasa ber a ni. Swap transplant an tihah hian kal in thleng kual ṭhin niin kal pe tu nen an blood group te lo in ang lo in donate ve tur dang, amah nen a in mil nen khan an in thleng kual ta ṭhin a ni. Khawvel changkang zel in a nghawng natna a pun zel avangin kal thlak ngai pawh an pung zel a, kal thlak ngai zinga 15% te chu swap transplant tih ngai an ni ṭhin niin an tarlang.

National Organisation and Tissue Transplant Organisation (NOTTO) chuan ramchhunga state leh union territory tin te chu Swap donor transplant ti thei vek turin a hriattir bakah, 'uniform one nation one swap transplant programme' hman a lo rawt tawh bawk a ni.

Chhattisgarh thil thlengah hian mipa pahnih kal thlak ngai te chu an nupuite ve ve in pek tumin an blood group a lo in mil lo a, nupa pakhat hi O+ leh B+ niin nupa dang pawh hi O+ leh B+ an lo nih ve bawk avang in kal thlak tur chu an in pek thlak thleng ta a ni.