J&K-ah khualzin eng emaw zatin helpawl kut tuar

Jammu and Kashmir-a Anantnag district-a Pahagam-ah nimin khan helpawl in khualzin tamna hmun beiin khualzin eng emaw zatin hliam an tuar niin police chuan an tarlang. In kahna thlenna hmun hi J&K a khualzin tamna hmun "mini-Switzerland" an tih ṭhin a thleng a ni.

Khualzin hmeichhe pakhat chuan," Ka pasal chu a lu ah kah a ni a, kan bul vela awm ve mi dang pasarih velin hliam an tuar bawk" tiin police a hriattir.Pawikhawihna thleng vanga hliam tuarte hi damdawiin lam panpui nghal an ni.

Police lam chuan silai puak thawm an hriat hnu hian, Baisaran meadows, Pahalgam-a khualzin tamna hmun hi rang takin an pan nghal a, venhimna lam pawh khauh zawka kalpui a ni. Hetih mek laiin pawikhawina thlenna hmun hi ke leh sakawr hmang chauha thlen theih a ni a, hei vang hian inkahna thlenna hmuna chhanchhuah hna thawh a ti hautak hle niin an sawi.

J&K-ah hian sorkar thar a din hnuah ralmuan lam a pan hret hret a, ramri pawn aṭanga helpawl lo lut ṭhinte vangin tualchhung mi leh khualzin ten harsatna an tawh ṭhin pawh a tlahniam tawh hle nia sawi a ni.