14th EGMO 2025-ah India-in medal pali hawn

14th European Girls’ Mathematical Olympiad (EGMO) 2025 Prishtina, Kosovo-a neihah India aiawha kal ten medal pali an rawn hawn. Medal dawn hi Silver pahnih leh Bronze pahnih a ni. India aiawh hmeichhe hlang team hian EGMO pumpuiah hian 12-na an hauh pha bawk.

Intihsiaknaa tel zingah Sanjana Chacko (16), Kerela leh Shreya Mundhada (15), Mumbai te chuan silver medal ve ve la in, Saee Patil (18) Pune, leh Shreya Gupta Ray (18) Kolkata mi te chuan bronze medal an la thei bawk a ni. Member pali awmna team hian Dr Mrudul Thatte, Tata Institute of Fundamental Research (TIFR) kaihhruaina in India ai an awh a ni.

EGMO hi kumtina neih ṭhin mathematics in elna niin, kar hmasa April 11-17 chhung khan neih a ni a, ram 50 aiawhte an in el a ni. In elna hi high school zirlai hmeichhia, maths a tui te tana buatsaih ṭhin niin, hmeichhiate scientist a chherna tur leh International Olypiad movement (IMO) team a hmeichhia te dinhmun chawikanna atana tih a ni bawk.

Homi Bhabha Centre for Science Education (HBCSE) leh TIFR ṭangkawp hian zirlai te chu uluk taka chherin, international Olympiad neih ṭhin huang hrang hrang Physics, Chemistry, Biology, Astronomy, leh Mathematics huangah te tel thei turin an buatsaih ṭhin. HBCSE-TIFR hi India sorkar-a Department of Atomic energy (DAE) hnuaia enkawl a ni.