Pope thar thlannaah India mi Cardinal 5 tel dawn

Roman Catholic kohhran hruaitu, Pope Francis chu Thawhṭanni khan a thi a, ni kaw chhung sunna Novediale-a neih a nih hnuin Roman Catholic tih dan phung pangngai angin Sistine Chapel-ah Pope thar tur hi thlan a ni dawn. Pope thar thlang thei tur zingah hian India mi carindal panga an tel.

College of Cardinals ah hian tun dinhmunah Cardinal 252 awm mekin, heng zinga mi 138 te chu Pope thar thlanna tur conclave atana vote thei te an ni. Coclave-ah hian Cardinal kum 80 chunglam in vote hi an thlak ve thei lo thung a ni. Pope thar thlannaah hian India aṭangin Cardinal paruk awmin an zinga panga te hian vote an thlak thei dawn a ni.

India mi Cardinal te hi Cardinal Baselios Cleemis, Trivandrum-a Major Archbisop nilai; Cardinal Oswald Gracias, Conference of Catholic Bishops of India (CCBI) president ni lai; Cardinal Filipe Neri Ferrao Goa, Archbishop ni lai; Cardinal George Koovakad, Pope France-a'n kum 2024-a cardinal tura a nemngheh; Cardinal George Alencherry, leh Cardinal Anthony Poola Hyderabad Archbishop ni laite chu conclave-ah hian an tel ve thei dawn niin an tarlang.