Russia-in Victory Parade Day hmanpui turin PM sawm

Russia chuan a ṭhianṭha ram hrang ang hruaitute chu Indopui II-naa Germany laka hnehna an channa ni, May 9-a Victory Parade Day vawi 80-na an hmannaa telpui turin a sawm. Ram hruaitu an sawm zingah hian prime minister Narendra Modi pawh a tel.

Russia deputy foreign minister Andrey Rudenko chuan PM Modi hi sawmna awh an thawn tawh tih sawiin, a zin dan tur pawh ruahman mek a ni, a ti.

PM Modi hian kum 2024 July thla khan Russia hi a lo tlawh tawh a,hei hi Russia-in Ukraine a run hnuah a tlawhna hmasa ber a ni. Kum 2019 khan Russia khawchhak lam, Vladivostok-ah economic conclave hmangin a lo zin tel bawk.

Kum 2024-a Modi-a'n Russia a tlawh ṭum hian Russia president Vladimir Putin chu India rama zin turin a sawm a, Putin pawhin a sawmna hi lo pawm a ni. Mahse Putin hian a zin hun tur erawh a la sawi lo. Ram hruaitu pahnihte hi a khat tawkin telephone-in a inbe fo a, international event neih denchhenin meeting pawh an lo nei dun ṭhin tawh bawk a ni.