Ni 11 chhungin J&K-ah ramkang hmun 94-ah chhuak

Jammu and Kashmir Union Territory huam chhungah tun hnai ni 11 chhungin hmun 94-ah ram a kang nia tarlan a ni. Kangmei chhuak hian J&K huam chhunga ramngaw dinhnun a ti him lo hle a, hei bakah vantlang mipui himna leh bungrua hrang hrang tan chhiatna a thlen a hlauhthawn awm niin an tarlang.

Official-te tarlan danin March 24 aṭanga April 3 inkara kangmei chhuak report hi J&K-a district 20 awm aṭanga 15 aṭangin a lut a ni. Ni khat thilthua kangmei chhuak report tam ber ni chuan hmun 35-ah a chhuak niin an sawi.

Kangmei chhuak hi Kashmir chhim lama Anantnag hmun chu a tuar nasa ber niin, nitin deuh thaw kangmei chhuak thar a awm angin sawi a ni. Pulwama, Budgam, Ganderbal leh Bandipora district huam chhunga thingtlang khaw ṭhenkhatah te kangmei chhuah thu hi a khat tawka report a awm reng bawk a ni.

Jamu huam chhunga Rajouri, Ramban, Reasi, Doda, leh Poonch-ah pawh kangmei chhuah thu report a nih rualin, heng kangmei chhuak zel thei te laka in ralrinna turin National Disaster Management Authority(NDMA) chuan inkaihhruaina a ti chhuak a, mipuite chum zawm tur hrang hrang leh hmalak dan tur te an hriattir nghal.