Himachal leh Telangana in tuikhuah siamna turin MoU ziak

Himachal Pradesh leh Telangana sorkar ṭangkawp chuan Hydro Electric Power Project MW520 pe chhuak thei tur siamna tur inremna, Memorandum of Understanding (MoU) an ziak. He inremna hi Seli-a 400 MW, Miar Hydro Electric Power Project Lahaul leh Spiti district huam chhunga siamna tur niin hna thawhnaw atan hian Rs vbc 6200 ruahman a ni.

State pahnihte inremna siam hi Himachal Power secretary Rakesh Kanwar leh Telangana principal secretary of Power Sandeep Kumar Sultania ten Shimla-ah an ziak a ni. MoU ziahnaah hian Himachal CM Sukhvinder Singh Sukhu leh Telangana deputy CM Bhatti Vikramarka Mallu te'n an tel pui bawk. He hmalakna kaltlang hian Himachal Pradesh chuan commission aṭang hian kum 12 chhung a thlawnin power an hmang thei dawn bawk.

Heng project pahnih thawh tur hi Chenab lui depah siam tura tih niin a senso tur atan hian Rs vbc 6,200 ruahman a ni a, state chhunga ṭhalai eng emaw zat tan direct leh indirect hna 5,000 bawr vel a siam theih beisei a ni bawk. Inremna an neih angin Telagana sorkar chuan hmalakna hmasa atan Rs vbc 26 chu an pe lawk a ni.