Ladakh khawchhak lam veng tur Army division thar din dawn

India Army hmalakna in Eastern Ladakh huamchhunga hmun him lo leh ralmuang lo laite venghim turin sipai division thar, he lai hmuna awm nghet tur din tum nia tarlan a ni. Division thar dah belh tur hi a awmsa tih lenna tur niin Line of Actual Control(LAC) huam chhung chu division pathumin an vil dawn a ni.

He ruahmanna hi 'major re-ORBAT' tia sawi a ni a, headquarters lam chuan Ladakh khawchhak lamah hian brigade khat chu hna thawkin a awm tawh niin an tarlang bawk.

Army division khatah hian sipai indo mi 10,000-15,000 leh an mahni thlawp thei tur 8,000, Major General enkawl in an awm ṭhin a ni. Heng division te hi brigade pathum aṭanga paliah ṭhen leh ṭhin niin brigade-ah hian sipai 3,500-4,000 chu brigade commander hnuaiah an awm leh a ni.

Division thar hi '72 Division' tih niin Leh-a 14 Fire & Fury Corps hnuaiah a nghet a awm tura tih a ni. Hei hi 1999 September-a Kargil indona thlen hnu a hmalakna pakhat a ni. Division thar din hian hmun ven uluk lai ber leh indona chhuah mai theihna lai hmunte an thlithlai ang.