Lok Sabha-in ONOE ngaihtuah hun chhung pawtsei

Lok Sabha chuan bill pahnih, Joint Parliamentary Committee hnuaia ngaihtuah tura tih "One Nation One Election" (ONOE) ngaihtuah hun atana a lo ruahman tawh chu pawt sei lehin hun a pek belh.

Joint Parliament Committee chairman PP Chaudhary chua bill pahnih zirchian hun chhung bituk chu House-ah pawhsei rawtna thlenin, he rawtna hi voice vote hmanga pawm a ni. Bill ngaihtuah tur committee dinah hian Lok Sabha secretary general chuan member thar, upper house aṭanga ruat belh a nih thu a sawi a, committee member 39 an awm a ni.

"One Nation One Election"(ONOE) ngaihtuah tur committee hi nikum Parliament thlasik ṭhutkhawmah khan din niin kumin Parliament fur ṭhutkhawm kar hmasa ber thleng hun pek an ni. Mahse he bill hian nghawng theih thil tam tak a neih avangin uluk taka ngaihtuah a mamawh avangin ngaihtuah hun chhung tur pawhsei an remti ta a ni.

Delhi High Court chief justice AP Shah, panel meeting neih hnuhnung ber neih hma chiaha panel aṭanga inhnuk dawk chuan phek 12-a thui zirchianna a neih theh lutin, dan siam tura ruahmanna siam chu constitution kalh, democracy kalhmang leh federal structure bawhchhiatna a nih thu a sawi.