Kum 2 chhungin US aia ṭha kawng kan nei ang: Nitin Gadkari

Minister for road transport & highways Nitin Gadkari chuan, Thawhlehni khan kum hnih chhungin India ram chhunga kawngte chu US-a kawng aiin a ṭha zawk dawn niin a sawi. He thu hi Time Drive Auto Summit and Award 2025 neihnaah a sawi a, tun hnaia road sector lamah hmasawnna a awm thu a sawi bawk.

"Road sector huangah harsatna a awmin ka hre lo. Kum lo awm tur leh kumin chhungin danglamna nasa tak a thleng dawn a ni.A hma chuan kan kawngpui lianten US kawng a tluk dawn ka lo ti ṭhin a, mahse tunah chuan kum hnih chhungin US aia ṭha zawk kan nei dawn a ni" a ti.

Union Minister chuan Ministry hnathawh dante sawifiahin Delhi, Dehradun, Jaipur, leh Bengaluru khawpui inkar hlat zawng chu nasa takin a tawi phah dawn tih sawi. Tesla lak luh dan tur zawhna chhangin, "Open market a ni a, hetiang lam siam theihna nei apiang chu lo kalin siam se, a man tih tlawm lamah inel rawh se," a ti bawk.

Gadkari chuan car siamtuten lirthei ṭha tak tak an siam chu man tlawm zawkin an pe ang tih a rin thu sawiin. Union Minister chuan logistics senso tih hniam a tum thu a sawi bawk, senso chu single digit a nih tur thu sawiin hemi hmang hian India chu ramdang nen a inel thei dawn a ni, a ti.