GE Aerospace-in jet engine an rawn thawn thu puang

Engine siam chhuaktu, General electric(GE) Aerospace chuan nimin, Nilaini khan Tejas Light Combat Aircraft Mk 1A fighter jet-a hman tur engine 99 F404-IN20 chu Hindustan Aeronautics Limited(HAL)-ah a hmasa ber turin a thawn thleng niin an tarlang. Defence lam tarlan danin kumin chhungin hetiang engines 12 hi a rawn thlen hman beisei a ni bawk.

“LCA-Mk1A chakna pe thei engine hmasa ber chu tunah hian Lynn-a GE facility-a test bed-ah endikna hnuhnung ber neih mek a ni a, April thla hian India ramah a thlen beisei a ni,” tiin defence lam chuan a sawi. February thlaa Aero India hmanah khan HAL Chairman leh Managing Director D. K. Sunil chuan kuminah jet 12 peihfel a nih tur thu a sawi tawh a ni.

Tun dinhmunah IAF hian fighter 42.5 squadron awm turah squadron 31 a nei mek a ni.Fighter jet awmsa eng emaw zat – jaguar, MIG-29UPG leh Mirage-2000 te chu kum sawm chuang hman tawh niin tihtawp a ni ṭan dawn. LCA-Mk2 lian zawk leh thil ti thei zawk siam mek a nih laiin ram chhunga jet siam chhuah pangana, Advanced Medium Combat Aircraft (AMCA) chu kum sawm dawn hman theih a la ni thung.