Thlai leh thei thar ti tam thei tur scheme duang turin ngen

Agriculture, Animal Husbandry, and Food Processing atana standing committee din chuan, state tin aṭanga thlai leh thei thar chhuah chi thumte ti pung thei tur leh ti hmasawn thei turin scheme ṭha leh mumal duang turin sorkarah rawtna an thlen.

Parliamentary com­mittee hian ram chhunga thlai thar chhuah hrang hrangte zirchianga, state tin mila thlai thar chhuah theih tur ṭha zirchiang turte din a rawt bawk. Hemi kaltlang hian committee chuan ‘One District, One Product’ (ODOP) hnuaiah sub-scheme chu thlai leh thei thar chhuah ti hmasawn thei tur hian rawtna an thlen tel bawk a ni.

Heng hmalakna aṭang hian state tina district hrang hrang thar chhuah zir zela packaging, branding, leh hralhna tur thleng ruahmanna te kalpui tum a nih thu official chuan an sawi. ODOP hi Uttar Pradesh sorkar chuan January 18 khan lo hmang tawhin a hlawhtlin em avangin sorkar laipui chuan hman chhunzawm turin a la chhawng a ni.

Panel hian heng hmalakna ti hmasawn thei tura puihna mumal duan te chu rawtin, Production Linked Incentive Scheme for Food Processing Industries (PLISFPI) hnuaia ruahmanna siam a fund hmanna mumal lo te tih bo a nih theih rin a nih thu an tarlang.