RSS-in education system an thunun chuan ramin a chhiat phah ang: Rahul Gandhi

Congress president hlui leh Lok Sabha-a Leader of Opposition ni lai, Rahul Gandhi chuan, nimin Thawhṭanni khan National Education Policy kalphung thar duan duh loa INDIA bloc zirlai pawlte lungawi lohna lantirnaah thu a sawi a, "RSS-in education system chungchanga thuneihna an ken kawh pumhlum chuan India-in a chhiat phah dawn a ni," a ti

Rahul Gandhi chuan,"Pawl pakhat chuan kan hmalam hun leh kan ram education system tih chhiat vek an duh a ni. He thil duhtu pawl chu Rashtriya Swayamsevak Sangh(RSS) an ni" tiin, an hmalakna vang hian ṭhalai tam takin hma lam hunah hna thawh tur an neih loh phah dawn tih a sawi.

Sorkar-in National Education Policy hnuaia UGC inkaihhruaina thar a siamah ram chhunga zirna in sang - university leh college, hrang hranga thawktu leh zirtirtute chu an duh duh RSS hian an ruat thei dawn nia ngaih a ni. Hei bakah RSS hmalak tum na,"one history, one tradition, one language" chu ram tana thil ṭhalo niin an sawi bawk.

Gandhi hian thla hmasa khan DMK te huaihawta University Grand Commission kaihhruaina thar duhlohna lantirnaah a lo telpui tawh bawk a ni. Gandhi chuan prime minister Narendra Modi chu sawiselin Adani leh Ambani-te hnena thuneihna pek a, RSS kuta thuneihna te hlan chu a thil tum ber niin a sawi bawk.